Ресей күштерінің қоршауындағы Мариуполь қаласында "Азовсталь" металлургия зауыты аумағына бекінген украиналық "Азов" полкі басшысы Денис Прокопенко 18 сәуірде әлем лидерлеріне үндеу жасап, кәсіпорынды паналаған жүздеген бейбіт адамды құтқаруға жәрдем сұрады.
#Ukraine The commander of the 36th Separate Marine Brigade,Major Serhiy Volyna,wrote a letter to Pope Francis to help save the people of Mariupol. "You have probably seen a lot in your life. But I%27m sure that you have never seen what is happening in Mariupol. It%27s hell on earth" pic.twitter.com/wxwtuoEkU4
— Hanna Liubakova (@HannaLiubakova) April 18, 2022
Прокопенконың сөзінше, "Азовсталь" аумағын бейбіт тұрғындар паналағанын Ресей әскері біледі, бірақ соған қарамастан олар зауытты атқылауын доғармай отыр. Прокопенко әлем лидерлерін "Азовсталь" аумағынан бейбіт тұрғындарды, жаралы сарбаздар мен қаза тапқандарды алып шығу үшін "жасыл дәліз" ұйымдастыруға үндеді.
Украина теңіз жаяу әскерінің дербес 36-бригадасының басшысы Сергей Волина да Рим папасына Мариупольден бейбіт тұрғындарды эвакуциялауға жәрдемдесуін сұрап, өтініш айтты.
"Өміріңізде көп нәрсені көрген шығарсыз. Бірақ дәл Мариупольдегідей жағдайды көрмегеніңізге сенімім кәміл. Өйткені қазір бұл жер бетіндегі тозақ іспетті" деп жазды Волина.
Ол "Азовсталь" зауыты бункерлерін паналап отырған әйелдер мен балалар барын айтты.
Ресей әскерінің Мариуполь қаласын қоршауда ұстап тұрғанына бір жарым айдан асты. Украина жағының дерегінше, су мен жарық жоқ, тамақ, дәрі-дәрмек қат қалада қазір 100 мыңға жуық қатардағы азаматтар қалған. Мариупольде қирап-бүлінбеген ғимарат қалмаған.
Ресей бейбіт тұрғындарға тиіспей, тек әскери нысандарға соққы беріп жатырмыз дейді. Ресей әскери министрлігі "украин күштері бейбіт адамдарды тірі қалқан қылып отыр" деп бірнеше рет мәлімдеген.
Украина мұндай айыптауды теріске шығарған.
Your browser doesn’t support HTML5