Еурокомиссия басшысы Урсула фон дер Ляйен Бучадағы қырғыннан соң Ресейге салынуы мүмкін жаңа санкцияларды жариялады. Бұл тізімді Еуропа одағына мүше 27 ел мақұлдауы тиіс.
- Ресейдің жылдық құны 4 млрд еуро болатын көмір импортынан бас тарту.
- Жылдық құны 5,5 млрд еуро болатын икра, арақ, химиялық тауарлар импортынан бас тарту.
- Жылдық құны 10 млрд еуро болатын компьютер чиптерінен және газ, транспорт саласына қажетті құралдарды Ресейге экспорттауға тыйым салу.
- Ресейлік кемелердің ЕО порттарына кіруге тыйым салу. Бұл санкция энергоресурстар мен азық-түлік тиеген кемелерге салынбайды.
- Беларусь пен Ресейдің жүк көліктеріне шекара жабу.
- ВТБ бастаған ресейлік төрт банкке санкция салып, SWIFT жүйесінен өшіру.
- Тағы бірнеше адамға санкция салу.
Урсула фон дер Ляйен ЕО Ресей мұнайы мен газына эмбарго жариялау әлі қарастырылып жатқан жоқ деді.
Германия Еуроодақтың Ресей көмірінен бас тарту жөніндегі бастамасын қарастыруға дайын. Бұл туралы елдің қаржы министрі Криштиан Линднер мәлімдеді. Министр одақ үшін Ресей энергия көздерін мейлінше тез бас тарту маңызды.
Еуроодақ қаржы министрлерінің жиынында Линднер Германияның Ресейге қарсы санкцияларды күшейтуді ашық екенін айтты.
Германия Украинадан қашқан босқындарды паналатқан Молдоваға қаржылай көмекті көбейтпек
Германия Молдоваға тағы 50 евро қарыз беретінін мәлімдеді. Мұның алдында 40 миллион евро беретін болған. Германия канцлері Олаф Шольц бұл туралы Берлинде өтіп жатқан халықаралық донорлар конференциясында мәлімдеді. Конференция қатысушылары бұрынғы совет елдеріне көмектесудің жолдарын талқылау үшін жиналған. Шараны Франция мен Румыния бірге ұйымдастырған.
Жаңа несие украиналық босқындарға көмектесумен шектелмей, энергия көздері қымбаттауының салдарымен күресуге де жәрдем болмақ дейді Германия үкіметінің баспасөз хатшысы Штеффен Хебестрайт.
"Халқының санына шаққанда Молдова Украинадан қашқан босқындарды мейлінше көп қабылдаған ел болып шығады" деді ол.
Ресейдің басқыншылық соғысынан Молдова аса қатты зардап шекті. Себебі ол өзі тұтынатын газдың түгел Ресейден алады. Кейінгі алты айда Молдова үшін газ бағасы сегіз есе өсіп, инфляция 18 пайызға артқан.
Несие босқындарды паналатуға арналған әлеуметтік инфрақұрылым объектілерін, мектептер мен балабақшаларды дамытуға арналмақ.
ПІКІРЛЕР