Германия Ресейдің 40 дипломатын еліне қайтару туралы шешім қабылдады. Берлин олардан тыңшылық жасады деп күдіктенеді. Бұл туралы Германия сыртқы істер министрі Анналена Бербок мәлімдеді.
АҚШ президенті Джо Байден әскери қылмыскерлерді, соның ішінде Ресей президенті Владимир Путинді сотқа тартуға шақырды. Ресейдің Украинаға басып кіруі кезінде жасалған әскери қылмыстардың айғағын жинау керек деді Байден.
"Өткен айда Путинді әскери қылмыскер деп атағаным үшін мені сынағандар болды. Бучада не болғанын көрдіңіздер. Бұл оның қылмыскер екенін растап отыр" деп мәлімдеді Байден.
Зеленский Буча қаласында, марқұмдарды жерлеу, жақынынан айырылған жанның зары, Донбасстан қашқан жұрт. Украинадағы соғыс. 4 сәуірдегі фотолар
Зеленский Буча қаласында, марқұмдарды жерлеу. Украинадағы соғыс. 4 сәуірдегі фотолар
Украина – әлемнің ең қатты миналанған елі. Бұл туралы БҰҰ-ның гуманитарлық мәселелер жөніндегі басқармасы мәлімдеді
"Жаңа миналарды тұрғын-үйлердің, ауруханалардың жанына, жол бойына орнатып жатыр. Азаматтар қақпанға түсіп, әскери қимылдар жүрген аудандардан қаша алмай қалуы мүмкін. Жол бойындағы және тұрғын үйлер маңындағы миналар гуманитарлық ұйымдардың аса мұқтаж адамдарға көмек көрсетуін шектейді" делінген ұйым мәлімдемесінде.
ПІКІРЛЕР