АҚШ-тың орталық-батыс штаттарында соңғы 20 жылда болмаған аяз тұрды. Синоптиктер күшті аяз елдің шығысына қарай ауып бара жатқанын айтады. Ал Чикаго және басқа да аудандардың басшылары бүгін мектептер жабылатынын хабарлады. Қатты аяз бен қарлы бораннан елдің орталық батыс штаттарында ұшақ рейстері бөгелді. "Арктикалық суық ауа ағыны бүгін АҚШ-тың солтүстік және орталық аймақтарына дейін жетіп, соңғы 20 жылда болмаған аяз болады. Ұйтқыған бораннан ауа температурасы Цельсий бағаны бойынша минус 51 градусқа дейін төмендейді" деп хабарлайды АҚШ Ұлттық метеорологиялық қызметі. 6 қаңтар, 2014 жыл.